Dagsreferat

Dette har vore ein innhaldsrik dag, gitt. Eg berre skriblar ned nokre høgdepunkt, sidan eg ikkje får sove.

- Eg sto opp tidleg og jobba tre-fire timar. Sto opp tidleg, altså.

- Eg ba meir enn normalt, - målretta, for bestemte personar. Det skal bli ei daglegdags oppgåve, har eg tenkt. Ta kontakt om du treng forbøn.

- Eg prøvde å hente ut data frå ein kræsja 2,5"-harddisk, og ikkje kven som helst sin harddisk: den tilhøyrer leiaren for studentmisjon i Sentral-Asia. Innhaldet var fortapt, dog. Ta backup, folkens.

- Eg fekk servert kaffi ved tre anledningar i dag: hjå ein kamerat, hjå tanta mi og på møte. Eg vil tru vi snakkar ti koppar. Ikkje rart eg sit her og ristar klokka tre om natta.

- Eg vaska kjøkengolvet og trappa, samt støvsugde her og der. Glenn, fyren eg bur saman med, sa han blei blenda av resultatet.

- Eg besøkte ein kamerat med behov for litt selskap og samtale. That's what friends are for.

- Eg møtte opp til eit møte som var avlyst, i regn og greier. Utfallet blei at eg besøkte tanta mi i staden for, der eg fekk smake Toffeefee for første gong. Steis! Det var så godt, eg gløymte regnet og bomturen og alt.

- Eg tok til å sjå sesong 4 av serien "24". Den er så usansynleg bra! Greia er at eg har alle episodene liggande, så det går fort to, tre, fire, fem i slengen. Farleg.

- Eg vart med som ein av tre initiativtakarar som skal jobbe for eit levande musikkmiljø i kyrkja. Vi hadde vårt første møte i kveld, og eg har skikkeleg trua!

- Eg fann ut at ein av dei andre tre er ein legendarisk trommis, og avtalte å ta nokre timar med han. Håper han kan lære meg betre teknikk.

- Eg merka at eg fekk ro på meg med tanke på neste år, for dette initiativet i kyrkja passar perfekt i hop med at eg skal gå Bibel og Musikk på Ansgar. Tilfeldig?

- Eg var på nippet til å klippe av meg alt håret, igjen, men klarte ikkje bestemme meg i dag heller. Eg ser alt for streit ut. Hmm, eg er jo streit. Er eg streit? Hjelp! Eg er streit!

Og med det takkar eg for i dag. God natt.